初訪輕井澤雲場池！四季不同景色，絕美大自然畫作！

今次去輕井澤當然唔少得去呢度嘅旅遊勝地「雲場池」。雖然去嘅時候係1月尾仲係冬天，不過呢個時候有啲雪已經慢慢開始融化，雖然天色仲係陰天，會係凍，但感覺都好啱郊遊同欣賞大自然，冬天景色都非常之靚，有另一番詩意。 我喺輕井澤嘅車站出發，選擇租附近嘅單車踩，大約15分鐘左右，就踩到過去，而且踩去嘅呢段路程沿途嘅風景好靚，有高高嘅綠樹，呼吸到森林嘅味道，令人好心情愉悅。😊 雲場池位於輕井澤嘅自然保護區，周圍被山，森林環繞，中間有個湖，而且水非常清澈仲見到湖底。而且最靚嘅係個湖好似一塊鏡咁，反映咗湖上面嘅景色，對稱嘅景色真係非常之靚，令我被佢深深吸引住。湖面上漂浮著幾個有不同種類的樹木嘅小島仔，仲有好多嘢鴨喺度游嚟游去，為呢個地方增添咗唔少生氣，好似一大自然畫作🖼️。 湖邊有一條小徑，可以沿住一邊漫步，一邊享受湖景同大自然嘅微風。沿途有花草樹林，仲睇到少少黃葉🍂。途中還發現咗有一條用木板鋪成的小徑，行上去可以睇到唔同角度嘅山湖景色，打卡一流。喺呢度我真係非常享受大自然嘅美景同寧靜，令人忘卻咗城市的喧囂和壓力，好感受到大自然嘅力量。🥰 雲場池 Kumoba Pond 📍長野県北佐久郡軽井沢町軽井沢 🎌推介程度：❤️❤️❤️❤️❤️ #輕井澤#雲場池#四季景色#絕美#大自然#景色#必去#舊輕井澤銀座通#東京近郊#人氣景點#旅遊#推介#必到#日本#日式旅#日本之#japan#自由行#必去#好去處#熱門菜式#打卡#攻略#chill#週末#快閃之旅#快閃